Yağı düşmən kəsilibdir cahana,
Bu virusa ad qoyublar "korono".
Tabe olmur təbibə ya dərmana,
Qurtulmağın bir yolu var - "EVDƏ QAL"
Allah sənə ağıl, şüur veribsə,
Aqil sənə yol göstərib deyirsə.
Hər kəs bu gün insanları sevirsə,
Qurtulmağın bir yolu var - "EVDƏ QAL"
İnsansansa cavanları düşün sən,
Körpələri, ahılları düşün sən.
İnsanlığa gəl kəsilmə düşmən sən,
Qurtulmağın bir yolu var - "EVDƏ QAL"
Mən güclüyəm, dözümlüyəm demə sən,
Bu mərəzə yoluxmaram demə sən.
Elə et ki, peşimanlıq çəkmə sən,
Qurtulmağın bir yolu var - "EVDƏ QAL"
Risk önündə qalıb bu gün hər kəsin,
Fədakardır əsgər, həkim, polisin.
Gəl itirmə, sən onların zəhmətin,
Eşit! Eşit fəryadını Qalibin,
Qurtulmağın bir yolu var - "EVDƏ QAL"
Vəkil Qalib Məmmədov
İmişli şəhəri
03-04-2020