Azərbaycanlı idmançılar Ukraynada ölkəmizi təmsil ediblər.
YENISEHIFE.AZ-ın məlumatına görə, Azərbaycan Respublikasının Daxili İşlər Nazirliyinin İdman Cəmiyyətinin fiziki hazırlıq üzrə baş inspektoru, Polis Polkovnik Leytenantı Eduard Məmmədovun 3 tələbəsi Ukraynanın Kiyev şəhərində keçirilən "WIZARD OPEN" turnirində iştirak ediblər.
Həmin turnirdə E. Məmmədovun tələbələrinin hər biri 3 döyüş keçirdərək 3 qızıl medal qazanıb: Amin Quliyev 57 kq, Elvin Məmmədov 51 kq, Renat Qiyaslı 47 kq çəki dərəcəsində.
Bu barədə "Ağ Canavar" ləqəbli azərbaycanlı peşəkar kikboksçu Eduard Məmmədov özünün "İnstagram" səhifəsində yazıb və bu qələbəni bütün Azərbaycanın qələbəsi adlandırıb:
"Azərbaycan Kikboks Federasiyasının sədri, vitse-spiker Adil Əliyev, Azərbaycan Kikboks Federasiyasının prezidenti Orxan Əliyev və vitse-prezident Ədalət Kazımova kikboksinqin inkişafına göstərdikləri diqqətə görə öz minnətdarlığımı bildirirəm!"