[thumb=left]http://yenisehife.
Müharibədən sonrakı dövrdə də ordu birliklərinin öz cavabdehlik sahələrində müstəqil fəaliyyət göstərə bilmələri üçün onların tərkibində komando hərbi hissələrinin yaradılmasına zərurət yarandı. Komando briqadasının yaradılmasını Azərbaycan üçün yenilik adlandıran dövlət başçısı ölkədə onların sayının çox olacağının proqnozunu da verib.
Komando hərbi hissələri, demək olar ki, xüsusi təyinatlı hərbi hissələrdir. Bu hərbi hissələr daha çox xüsusi relyef şəraitində fəaliyyət üçün faydalı hesab olunur. Bu hərbi hissələrdə xidmət edənlər əsasən xüsusi təlimlərdən və kurslardan keçərək müqavilə əsasında xidmət edən şəxslər olacaq.
Bu cür hərbi hissələrin yaradılması sadəcə adını qoymaqla bitmir, ən önəmlisi - onlar üçün təlimlər verə bilməkdir. Komando hərbi hissələri üçün təlimlər verəcək xüsusi hərbi məktəblər isə Türkiyədə mövcuddur və biz onların təcrübələrindən faydalanmaqdayıq. Hal-hazırda Azərbaycan ordusunun çox sayda hərbi qulluqçuları həmin komando məktəblərində təlimlərə cəlb olunurlar.
Hazırda kommando hərbi hissəsində xidmət edən, şanlı döyüş təcrübəsi ilə seçilən hərbi qulluqçulardan biri də Babək Qəhrəmanovdur. Karate üzrə 2 qat dünya çempionu olan Babək Qəhrəmanov Vətən müharibəsində şücaət göstərib. Üç dəfə yaralanmasına baxmayaraq, döyüşlər bitənə kimi əməliyyat taborunda xidmətini davam etdirib. Ölkə Prezidentinin sərəncamları ilə “İgidliyə görə”, “Füzulinin azad olunmasına görə”, “Cəbrayılın azad olunmasına görə” medallar ilə təltif olunub.
Arzu Nəsibova adlı feyzbuk istifadəçisi komment bölümündə yazmışdı: “Ada, soyada, ata adına bax! Bu qazimizin taleyinə qəhrəmanlıq yazılıbmış hələ ana bətnindən! Allah şəfasını versin!”
Musayev Mir Sahib: “Cox gözəl döyüşcü olmağı ilə yanaşı, həm də cox gözəl insandı. Bizim hərbi hissədə eyni ildə xidmət etmişik. Allah şəfa versin!”
Abu Safarov: “Allah şəfasını versin, Babək əsgər yoldaşım olub, bir taborda və bir bölükdə olmuşuq, ürəkli qardaşdı”.
Emin Xəlilov: “Babəki mən çoxdan tanıyıram, Babək ev şəraitində məşq edib dünya çempionu olan igidimizdir. Allah qorusun”.
İnanırıq ki, Babək Qəhrəmanov həm hərbidə, həm də idmanda qazandığı təcrübəni, qiymətli vərdişlərini gənclərimizlə səxavətlə bölüşəcək.
Sevil Həsənli