Ukrayna və Rusiya arasında diplomatik danışıqlar hələlik bir nəticə vermir. Çünki tərəflərin qarşılıqlı uzlaşmayan tələbləri və daha az maraq doğuran təklifləri var.
YENISEHIFE.AZ xəbər verir ki, analitiklər müharibənin hələ bir müddət davam edəcəyi qənaətindədir. Digər tərəfdən hər iki ölkə müharibəyə muzdluların cəlb olunmasını nəzərdən keçirir.
Politoloq İlham Hüseynov hesab edir ki, Ukrayna tərəfdə Qərb koalisiyasını təmsil edən böyük bir legion var: "Onlar keçmiş döyüşçülər, xüsusi təyinatlılar və elit dəstələrdə xidmət keçmiş hərbçilərdir. Rusiya tərəfi isə öz müttəfiqi hesab olunan Suriyadan muzdluları Ukraynaya cəlb etməyə çalışır".
Politoloq Fikrət Sadıq isə deyib ki, müharibə qısa müddətdə bitəcək: "Vasitəçi rolu artıq işə düşüb. Türkiyə-Azərbaycan öz vasitəçiliyini təklif edib. Xüsusilə Antalyada XİN rəhbərləri görüşüb. Fikrimcə, hər iki tərəf müəyyən güzəştə getsə, yaxın gələcəkdə hansısa saziş imzalana bilər".