Bu ildən “Vergi Məcəlləsinə” edilən dəyişikliklərə əsasən İpoteka və Kredit Zəmanət Fondu tərəfindən yaşayış sahələrinin kirayəçilərə təqdim edilməsi əməliyyatı ƏDV-dən azad edilir. Söhbət kirayə üzrə əməliyyatın 18.0 faizlik vergidən azad edilməsindən gedir. Artıq bu qaydalar yanvar ayından qüvvəyə minib.
BAKU.WS xəbər verir ki, bunu trend-ə Milli Məclisin deputatı Vüqar Bayramov deyib.
O bildirib ki, yeni güzəştlər fond tərəfindən təqdim edilən kirayə evlərin xərcinin azalmasına gətirib çıxaracaq. Bu isə daha aşağı qiymətə həmin mənzillərin kirayə təklif olunmasına səbəb ola bilər.
Qeyd edək ki, kirayə məzillər İpoteka və Kredit Zəmanət Fondu tərəfindən 2013-cü il 1 yanvar tarixindən sonra inşa edilən binalarda 3 ildən 25 ilədək müddətə mənzilləri satın almaq məqsədi ilə təqdim edilir. Yəni, vətəndaş kirayə pulunu ödədikdən sonra mənzilə sahib olur. Bu zaman vətəndaşın son ödəniş tarixinə yaşı 70-dən çox olmamalıdır və mənzillərin dəyəri manatla ödənilir.
İndiyədək satmaq öhdəliyi ilə kirayə mexanizmi çərçivəsində 2 970 vətəndaşla kirayə müqaviləsi bağlanıb. Vergi güzəştləri fonunda mənzillərin kirayə qiymətlərinin azalması baş verərsə, daha çox vətəndaşımızın bu imkandan yararlanmasına səbəb ola bilər. Belə ki, indiyədək bu mənzillərə sahib olmada aylıq ödəniş məbləğinin yüksək olması əsas maneə kimi dəyərləndirilirdi. Mənzillər Bakı ilə yanaşı Sumqayıtda da təklif olunur. Bu ay Sumqayıtda 208 mənzil satın almaq məqsədi ilə kirayəyə təklif olunacaq. Mənzil seçimi yanvarın 18-dən başlayacaq. Vergi güzəştlərinin mənzillərin xərcinə təsir edəcəyi istisna edilmir.
Kirayə mənzil almaq üçün şərtlər:
Daha ətraflı məlumat almaq istəyənlər 1549 nömrəsinə zəng edə bilərlər
KİRAYƏ MƏNZİLİN VERİLMƏ ŞƏRTLƏRİ
KİRAYƏ MÜQAVİLƏSİ
Minimal müddət
3 il
Maksimal müddət
25 il
Yaşa görə maksimal müddət
son ödəniş tarixinə yaş 70 yaşdan çox olmamalı
Qabaqcadan ödəniş
aylıq ödənişin ən azı 12 misli
Ödəniş valyutası
Azərbaycan manatı
Kirayə hüquqlarının ötürülməsi
Kirayə müqaviləsi bağlanan gündən
Vaxtından əvvəl tam ödəniş
Kirayə müqaviləsi bağlanan gündən
KİRAYƏÇİ
Azərbaycan Respublikasının vətəndaşı olmalı
Məhkumluğu olmamalı
Müraciət anına vaxtı keçmiş öhdəlikləri olmamalı
Müraciət anına yaşı 60-dan yuxarı olmamalı
Rəsmi gəlirlərə malik olmalı
YAŞAYIŞ SAHƏSİ
2013-cü il 1 yanvar tarixindən sonra inşa edilməlidir
Alış anına standartlara uyğun tam təmirli olmalıdır, habelə elektrik enerjisi, qaz və su ilə təchiz olunmalıdır
İnfrastruktur obyektlərə (nəqliyyat, səhiyyə, iaşə, təhsil və s.) yaxın olmalıdır
Sakinlərin istirahəti üçün həyatyanı sahəyə malik olmalıdır
Tikinti standart və normalarına cavab verməlidır
Müstəqil qiymətləndiricinin müəyyən etdiyi bazar qiymətindən az olmamaq şərtilə sığortalanmalıdır (Fond tərəfindən)