Azərbaycanın İrandakı Səfirliyinə silahlı hücum zamanı şəhid olan Orxan Əsgərov Bakıda, ll Şəhidlər Xiyabanında dəfn olunacaq.
YENİSƏHİFƏ.AZ “report”a istinadən xəbər verir ki, bu barədə onun yaxınları bildirib.
Xatırladaq ki, yanvarın 27-də Bakı vaxtı ilə səhər saat 8:30 radələrində Azərbaycanın İrandakı səfirliyinə terror hücumu olub. Terroru törədən şəxs “Kalaşnikov” markalı avtomat silahla mühafizə postunu yararaq, mühafizə xidmətinin rəisi Orxan Əsgərovu qətlə yetirib. Səfirliyin iki nəfər mühafizə əməkdaşı da hücumun qarşısını alarkən yaralanıblar. Yaralıların vəziyyəti qənaətbəxşdir.
Terroru törətmiş şəxs Azərbaycan səfirliyinin əməkdaşı tərəfindən saxlanılıb.
YENİSƏHİFƏ.AZ oxu.az-a istinadən xəbər verir ki, onun atası Gəncə şəhər 1 nömrəli Birləşmiş Uşaq Xəstəxanasının baş həkimi Rizvan Əsgərovdur.
Artıq həkimə məlumat verilib. O, paytaxta yola düşüb.
O.Əsgərovun ölümü barədə hələ ki anasının məlumatı yoxdur.
“Qafqazinfo” xəbər verir ki, əslən Gəncə şəhərindən olan Orxan daha əvvəl Azərbaycanın Moskvadakı səfirliyində də çalışıbmış.
Qeyd edək ki, Azərbaycan Xarici İşlər Nazirliyinin rəsmi bəyanatında xain hücum nəticəsində aldığı güllə xəsarətlərindən vəfat edən O.Əsgərov şəhid kimi təqdim edilib.
Onun fotosunu təqdim edirik: