"Kolin” türk inşaat şirkəti “qaş düzəldəndə vurub göz çıxarır”
Xaçmaz rayonunun Müskülü kənd sakini Zaur Nemətov ərazidə dəmiryol şəkilişi işləri həyata keçirən “Kolin” türk inşaat şirkətindən şikayətlidir. Redaksiyamıza müraciət edən Zaur Nemətov bildirir ki, inşaat şirkətinin əməkdaşlarının səhlənkarlığı, bəlkə də laqeydliyi ucbatından onun evinin həyətyanı sahəsi və evinin yerləşdiyi yola ziyan dəyib. Problemin Kİv-də ictimailəşdirilməsini və aidiyyəti qurumların diqqətinə çatdırılmasını xahiş edən Xaçmaz sakini hesab edir ki, dəmiryol infrastrukturunun bu sayaq genişləndirilməsi başqa şəxslərin mənafeyinə zidd olmamalı, məsələyə təcili müdaxilə edilməlidir.Kəndin yolları dagılıb gedir.Dəfələrlə "Kolin" şirkəti rəhbərliyinə müraciət edilsə də , heç bir reaksiya yoxdur. Təəssüf ki, kənd icra nümayəndəliyi, kənd bələdiyyəsi baş verənlərə susur. Hətta mənim öz vəsaitim hesabına cəkdiyim yol dagıdilib.
Hələ bir il əvvəl, 2022-ci ilin aprelində məlumat yayılmışdı ki, “Azərbaycan Dəmir Yolları” QSC-nin “Kolin İnşaat Turizm Sənaye və Ticarət Anonim Şirkəti”nin Azərbaycan nümayəndəliyini Bakı Kommersiya Məhkəməsinə şikayət edib. İddia hakim Ülkər Həsənovanın icraatına verilib.
Elə həmin xəbərdə məlumat verilirdi ki, Türkiyənin “Kolin İnşaat Turizm Sənaye və Ticarət Anonim Şirkəti” Azərbaycanın işğaldan azad edilmiş ərazilərindəki avtomobil yolunun tikintisi işlərini həyata keçirən subpodratçı şirkətdir. Bundan başqa, şirkət Sumqayıt-Yalama dəmir yolunun yenidən qurulmasının layihələndirmə və tikinti-quraşdırma işlərini həyata keçirir.
Belə çıxır ki, rahatlıgı pozulan və əmlaklarina ziyan dəyən vətəndaşların da "Kolin" sirkətini məhkəməyə verməsinin vaxti yetişib.
YENİSEHİFE.AZ