"2040-cı ilə qədər Bakı şəhəri baş planda göstərilən şəkildə olmalıdır"- Elnur Fərzəliyev2016-cı ildən başlayaraq paytaxt Bakı şəhərində istismar müddəti bitmiş və qəzalı vəziyyətdə olan köhnə çox mənzilli yaşayış binalarının söküntüsü prosesi gedir. Söküntülər 2 formada aparılır. Bəzi ərazilər dövlət ehtiyacı üçün alınır. Həmin torpaqlar üzərində olan ərazilər qiymətləndirilərək vətəndaşlara bazar dəyərinə uyğun kompensasiya şəkilində ödənilir. Bəzi ərazilər isə tikinti şirkətləri tərəfindən sökülür, tikilən yeni binalarda vətəndaşlara yeni mənzillər verilir.
Bəs bu proses rayonlarda da həyata keçirilirmi?
Daha ətraflı
Mövzu ilə bağlı BiG.AZ-a danışan əmlak məsələləri üzrə ekspert Elnur Fərzəliyev bildirib ki, qəzalı binaların yeni tikililərlə əvəz olunması prosesi daha çox paytaxt Bakı şəhərində baş verir. Bunun da səbəbi paytaxt Bakının baş planının təsis edilməsidir. 2040-cı ilə qədər Bakı şəhəri baş planda göstərilən şəkildə olmalıdır:
"Ölkənin digər böyük şəhərlərində də çox mənzilli yaşayış binası qəzalı vəziyyətə düşərsə, sökülməsi dövlət tərəfindən aparılır. Əhali əvvəlcədən adiyyəti qurumlara müraciət edir və bu əsasında işlər həyata keçirilir.
Tikinti şirkətləri isə bölgələrdə hər hansı bir ərazidə söküntü işləri apararsa, əvvəldən o bölgədə yaşayanların mənzillə təmin edilməsinə şərait yaradır.
Binaların sökülməsi və yenidən tikilməsi prosesi uzun müddətə başa gəldiyindən qəzalı vəziyyətdə olan çox mənzilli yaşayış evlərinin restavrasiya prosesinin başlamasına ehtiyac var. Onların sökülüb yeni binalarla əvəzlənməsi qıssa müddət ərzində mümkün deyil. Bu proses özəl sektorun öhdəsindədir. Yeni tikilən çox mənzilli binaların satışa çıxarılması prosesini nəzərə də alsaq, məsələnin daha uzun müddət davam edəcəyi gözlənilir. Çünki, mənzillər satılmasa tikinti şirkətləri iflas edəcək. Nəticədə isə qəzalı binaların vəziyyəti eyni şəkildə qalacaqdır".