Gənc Bəstəkar Tamilla Əhədova Türkiyədə keçirilən “IV beynəlxalq CA ART Planet” müsabiqəsində “Grand Prix” mükafatına layiq görülüb.
Tamilla Əhədova Bakı Musiqi akademiyasının həm bakalvr , həm də magistr pillələrini bəstəkarlıq üzrə SSRİ və Azərbaycanın xalq artisti Arif Məlikovun sinfində fərqlənmə ilə bitirmişdir.Buna qədər bir sıra əsərlərin müəllifidir : Müxtəlif alətlər üçün kiçik pyeslər silsilələri ,Fortepiano üçün 2 dəftərdən ibarət prelüdlər silsiləsi , Fortepiano üçün sonata , Skripka və fortepiano üçün 6 pyesdən ibarət silsilə , Simfonik orkestr üçün “Simfonik poema” , “Simfonik süita” , “Simfoniya” , Simli orkestr üçün “Süita” , Fortepiano və orkestr üçün “Konsert” , bir sıra romanslar və mahnılar müəllifidir.
Bu vaxta qədər bir sıra müsabiqələrdə laureat olmuş ,Beynəlxalq festivallarda iştirak etmiş , Azərbaycanın və dünya ölkələrinin müxtəlif konsert salonlarında uğurlu konsert proqramları ilə çıxış etmişdir.
Gənc bəstəkara gələcək fəaliyyətində uğurlar arzulayırıq
