Bu dəfə söhbət açacağımız insan özünün müsbət keyfiyyətləri ilə həmişə seçilən vətənpərvər insan "Sumqayıt Tibb Mərkəzi" Publik Hüquqi Şəxsin direktor müavini və Sumqayıt Perinatal Mərkəzin baş həkimi, Əməkdar həkim Təranə Rəcəbli olacakdır.
Təranə Zakir qızı Rəcəbli 16 mart 1972-ci ildə Sumqayıt şəhərində anadan olub. 1989-1995-ci illərdə N.Nərimanov adına Azərbaycan Dövlət Tibb Universitetinin Pediatriya fakültəsində təhsil alıb. Universiteti bitirdikdən sonra həkim-pediatr ixtisasına yiyələnərək, Sumqayıt şəhər 1 saylı Doğum evində fəaliyyətə başlayıb.
O, 1997-2008-ci illərdə 1 saylı Doğum evində şöbə müdiri, 2008-2014-cü illərdə “Real” Tibb Mərkəzində direktor vəzifələrində işləyib. 2014-2016-cı illərdə Respublika Perinatal Mərkəzində baş həkim kimi fəaliyyətini davam etdirib. Hazırda "Sumqayıt Tibb Mərkəzi" Publik Hüquqi Şəxsin direktor müavini və Perinatal Mərkəzin rəhbəridir.
27 illik təcrübəyə sahib olan Təranə Rəcəbli ömrünü tibbin ginekologiya sahəsinə həsr edib. Fəaliyyəti dövründə çoxsaylı yerli və beynəlxalq konfransların iştirakçısı olub, müxtəlif qurumlar tərəfindən Fəxri fərman, diplom və medallarla təltif edilib.
İnsanlarda ləyaqət, intellekt və mehribanlıq kimi üç vacib keyfiyyəti xüsusi dəyərləndirən Təranə xanım özü həmin uca insani dəyərlərin daşıyıcısı olaraq ölkədə və regionlarımızda yüksək reytinqə malikdir.
Təranə Rəcəbli öz çoxtərəfli fəaliyyəti ilə üzərinə düşən olduqca mühüm vəzifələrin öhdəsindən məhz böyük məsuliyyəti, prinsipiallığı və iradəsi hesabına layiqincə gəlir.
Təranə Rəcəbli ölkə Prezidenti, Müzəffər Ali Baş Komandan İlham Əliyevin apardığı daxili və xarici siyasətini dəstəkləyir və hər zaman Xalq-Dövlət, Dövlət-Xalq birliyini özünə mücəssəmə bilərək öz vətəndaşlıq borcunu xüsusi əhəmiyyətli günlərdə yüksək səviyyədə yerinə yetirir. Təranə xanım Şəhid ailələrinə, Qarabağ qazilərinə, kimsəsiz və ahılların həmişə yanında olmuş və onlara maddi-mənəvi dəstəyini göstərir.
Heç şübhəsiz, sadalanan keyfiyyətlərlə yanaşı, burada 2 mühüm amilin də rolu danılmazdır. Onlardan birincisi, genetika ilə bağlıdırsa, ikincisi, zəngin təcrübə amili ilə əlaqədardır. Müasir genetika elmi sübut edir ki, nəsilli-köklü, böyük elmi və zehni potensiallı ailələrin övladlarının genetik kodun daşıyıcısı olaraq böyük uğurlara imza atma şansı kifayət qədər böyükdür. Münbit şəraitin olacağı təqdirdə həmin övladların valideynlərindən miras qalmış irsi potensialı zənginləşdirərək daha böyük uğurlar əldə etməsi sırf zaman məsələsidir. Məsələyə bu kontekstdə yanaşdıqda xüsusi olaraq qeyd edək ki, hörmətli Təranə xanım Rəcəbli böyük genetik irsin varisidir.
Xeyirxah işlərlə məşğul olan hər bir vətəndaşa başda Təranə xanım Rəcəbli olmaqla redaksiyamız adından dərin minnətdarlığımızı bildirirk. Qarşıdan gələn hər bir günümüz üçün Azərbaycan dövlətinə və xalqına xoş günlər və firavan həyat arzulayırıq.